मुख्यमंत्री चखना सेंटर 5 रू. मा

छत्तीसगढ़ ला राज्य बने 8 साल हो गे हे। अउ रमन सरकार ला घलौ पांच साल होवत आए हे। अब 5 ह बड़े हे त 3 साल के जोगी सरकार ल भुलाए के 5 साल वाला रमन सरकार के बात ल करबो। छत्तीसगढ़िया मन बर रमन सरकार ह अब्बड़अकन खुशहाली लाइस हवै, अउ ओकर कहात ले गांव गरीब अउ किसान लागे हे। हमरा डोकरा मन बोलथे कि सब्बो-सब्बो नेवता ठलाहा मन बर अउ लबरहा मन बर रमन जी ह देथे। हमर बर तो सोचबे नइ करे। डोकरा मेर पूछे ल बताथे कि 5 रू. मा जेन अन्नपूर्णा दाल भात योजना रखे हे ओ काबर नइ चलिस।

सियान के बात मा सोचेओं अउ परन दिन के जुन्ना पेपर ल पढ़ेंव त ओमा छत्तीसगढ़िया मन के आत्महत्या, हत्या, चोरी, लूट अउ अब्बड़अकन ख़बर रहिसे। जो ओमा एक ठन खबर छत्तीसगढ़ ब्रेवरेजस कार्पोरेशन के अध्यक्ष सच्चिदानंद उपासने के रहिसे। जेमा ओखर गोठ ल सुनेव त लगिस कि अतका पैसा दारू पिएबर कहाँ ले आइस। अध्यक्ष के गोठ हेवै कि छत्तीसगढ़ ह दारू पिए म तीसरा पारी म हावै। अउ अइसने चलही त पारी ह बढ़ सकत हे। अगर दारू पिए म तीसरा नंबर आए त दारू पिके खवइया मन ह का खाए होही। अभी पियइय्या मन देखबे त पिए के बाद खाना नइ खाए। त फेर दारू ह पेट म रेहे रिथे। अउ कई झन त मर घलौ जाथे। दारू पिए के बाद कतकौ झन मर घलौ गे।

सियान मन के गोठ घलौ सही हे। अब्बड़ दारू पिए ल आदमी मर जाथे। त हमार सरकार ऊपर दाग नइ आना चाहि। तेखर बर सियान मन सोचे हे कि रमन सिंह कना जाबौ। अउ 5 रूपया म चखना दारू के साथ देके माल ल उठाबौ। एखर से फायदा ये हवै कि दाल-भात सेंटर के जगह म दारू पिही अउ चखना खाही। दारू पिए म तीसरा पारी त हावै। दारू पिके जिइय्या मन के पारी घलौ बढ़ जाहि। एखर बर छत्तीसगढ़ सरकार ला चखना सेंटर खुलवाना ज़रूरी हवै। दारू पिए के बाद चखना खाही, अउ ओलंपिक जाके गोल्ड मेडल लाहि।
त फेर अगला सरकार ह 5 रू. मा चखना सेंटर ज़रूर खुलवाही। यही छत्तीसगढ़ के बड़ई हरे अउ नवां-नवां योजना सरकार के लाबौ। त फेर छत्तीसगढ़ म बने सरकार लाबौ। त सबो पियइय्या मन ला वोट डाले के नेवता आहे। जब चुनाव आहि चखना सेंटर खुलवइय्या मन ला वोट देहू। जय छत्तीसगढ़